Uppruni

Nafnið Salsa er af spænskum uppruna og er lýsandi fyrir uppruna dansins því Salsa er sambland af mörgum dansstílum sem má einna helst rekja til karabíska hafsins og Latín-Ameríku. Af dönsunum Mambo, Danzón, Guaguancó, Cuban Son og öðrum vinsælum dönsum þróaðist það sem við köllum Salsa í dag. Bæði í dansinum og Salsa tónlistinni má finna sterk afrísk áhrif.

Salsa er yfirleitt dansaður sem pardans en hann býður einnig upp á einstaklingsspor eða hringdansa með mörgum pörum þar sem allir dansa við alla. Listræn tjáning og félagsdans er stór hluti af Salsa en hann er einnig notaður sem keppnisdans og sýningardans.

Mismunandi tegundir

Til eru mismunandi tegundir af salsa, LA style, New York style og Cuban style.

Í LA style og New York style dansar parið á beinni línu, þar sem herrann færir sig af línunni á meðan daman færist fram og til baka eftir línunni, en í Cuban style dansar daman meira í kringum herrann. Helsti munurinn á LA style og New York style felst í því hvar áhersla á taktinn er. Í LA style hefst grunnsporið á fyrsta takti í tónlistinni en í New York style hefst grunnsporið á öðrum takti. Grunnsporin eru þó öll 6 takta spor.

Undir Cuban style mætti síðan flokka Rueda de Casino, eða Salsa rueda. Salsa rueda þróaðist í Havana, Kúbu, á árunum 1950-1960. Hér mynda pör dansara hring og danssporin eru kölluð af stjórnanda. Flest sporin fela í sér að skipt er um dansfélaga og því dansa allir við alla. Milli dansspora er síðan dansað grunnspor.

Hjá okkur er áhersla lögð á LA style Salsa en stefnan er að vera líka með Salsa rueda tíma.

Grein á Wikipediu um Salsa

Háskóladansinn er með Salsa síðu á facebook. Endilega kíkið á hana og þar má finna nýjustu fréttir af Salsa í Háskóladansinum:

Salsa Háskóladansins á Facebook