Categories
Fréttir

Kæru nemendur haustannar 2020

Því miður sjáum við ekki fram á að geta klárað önnina fyrir jól. Við í stjórninni höfum því ákveðið að fresta önninni þangað til ársins 2021. Allir nemendur haustannar verða sjálfkrafa og þeim að kostnaðarlausu skráðir á vorönn Háskóladansins 2021. Þeir sem sjá sér ekki fært að mæta á nýju ári geta haft samband við okkur í gegnum póstfangið haskoladansinn@haskoladansinn.is

Categories
Fréttir

Áríðandi tilkynning 4. október

Vegna hertra aðgerða stjórnvalda sjáum við okkur ekki fært að halda tíma næstu tvær vikurnar. Það verða því engir tímar vikuna 5. – 11. október en á næstu dögum munum við senda út könnun þar sem farið verður yfir möguleika á því að bæta upp tímana. Við viljum biðja ykkur sem flest að taka þátt í könnuninni svo við getum komið til móts við ykkur og vonandi gert eitthvað saman, hvort sem það verður í gegnum netið eða önnin verður lengri.

Vonum að allir séu hressir og vonumst til að sjá ykkur öll að tveimur vikum liðnum ef aðgerðirnar dragast ekki á langinn.

M.b.kv. Stjórn Háskóladansins

Categories
Fréttir

Ný önn háskóladansins byrjar 7. september!

Við erum stolt að geta boðið upp á þrjá einstaklingsdansa á þessari haustönn 2020. Það verða:

  • Choreography workout (Mánudagar, 18:30 – 19:30) í Laugardalshöll
  • Solo jazz (Þriðjudagar, 19:15 – 20:15) í Íþróttasal Háskóla Íslands
  • K-pop dans (Miðvikudagar, 18:30 – 19:30) í Laugardalshöll

Ekki er þörf á fyrri dansreynslu.

Annargjaldið er það sama og hefur verið eða 7.000 kr fyrir háskóla nemendur og 10.000 kr fyrir aðra. Fyrir annargjaldið máttu svo taka þátt í eins mörgum danstímum og þú vilt!

Fyrstu tvær vikurnar (7. – 18. september) eru ókeypis prufuvikur. Einnig viljum við minna á Facebook síðu okkar og Instagram!

Við hlökkum til að sjá ykkur.

Categories
Fréttir

Áríðandi tilkynning

Háskóladansinn hefur ákveðið með tilliti til ákvörðun stjórnvalda að fresta öllum námskeiðum, dans- og skemmtikvöldum vegna COVID-19.

Okkur þykir leiðinlegt að þurfa að aflýsa þessari síðustu viku af tímum en vonandi getum við bætt ykkur það upp þegar samkomubanninu líkur. Sendum bestu óskir til ykkar allra og vonum að allir hafi það gott!

Við hvetjum ykkur til að æfa ykkur heima og skoða myndböndin sem eru í boði svo að þið haldið ykkur í góðu dansformi þar sem þegar þessu er lokið ætlum við að fagna því með góðu skemmtikvöldi!

Farið vel með ykkur og skemmtið ykkur varlega!