voronn-2017-5Vorönn Háskóladansins hefst mánudaginn 9. janúar! Fyrstu tvær vikurnar af hverri önn eru ókeypis prufuvikur fyrir alla sem vilja koma og prófa að dansa, svo endilega nýtið tækifærið og látið sjá ykkur! Boðið verður upp á námskeið í blúsdansi, lindy hop, salsa (í samstarfi við Salsa Iceland), swing&rock’n’roll og west coast swing. Þar að auki bjóðum við í fyrsta skipti upp á námskeið í húlla, í samstarfi við hina frábæru Húlladúllu!

Það er ekkert mál að byrja að dansa! Til að mæta í námskeið hjá Háskóladansinum þarftu ekki að kunna neitt að dansa, þú þarft ekki að mæta með dansfélaga með þér og þú þarft ekki einu sinni að vera háskólanemi, því við bjóðum alla velkomna!

Annargjaldið er litlar 7.000kr fyrir nema (10.000kr fyrir aðra) og veitir það aðgang að öllum danstímum Háskóladansins út önnina ásamt afslætti á helgarnámskeið, böll og aðra viðburði á vegum félagsins. Önnin hefst eins og áður sagði 9. janúar og stendur í tólf vikur, eða út mars.

Kennarar þessa önnina verða:

  • Blús (byrjenda): Serena og Steve
  • Húlla: Unnur María “Húlladúlla”
  • Lindy hop (byrjenda): Harpa og Magnús
  • Lindy hop (miðstig): Magnús og Ola
  • Salsa (byrjenda og miðstig): Besim og Rebekka
  • Swing & rock’n’roll (byrjenda): Haukur og Sigurbjörg
  • Swing & rock’n’roll (miðstig): Bergdís og Pétur
  • West coast swing (byrjenda): Amanda og Dino

Danstímar fara fram í Laugardalshöll á mánudögum, miðvikudögum og fimmtudögum, og í íþróttahúsi Háskóla Íslands á þriðjudögum (nákvæmari stundatafla verður auglýst fljótlega). Að auki eru danskvöld í öllum dönsum í hverri viku, sem eru haldin á dansgólfum miðbæjarins og verða rækilega auglýst, bæði í danstímum og hér á Facebook!

Nánari upplýsingar um dansana í gegnum valmyndina að ofan. Við erum líka alltaf tilbúin að svara spurningum, hvort sem er gegnum Facebook-síðu Háskóladansins eða með tölvupósti á haskoladansinn@haskoladansinn.is. Hlökkum til að sjá sem flesta í danstímum (takið vini ykkar með)!